Облыстық "Жас Ұлан" әскери патриоттық ойындарға мектебіміздің оқушылары қатысып белсенділік таныта білді. А.Ә.Д пәнінің және директордың тәрбие ісі жөніндегі орынбасарлары А.Давлетов, Б.Джакиповалардың басшылығымен дайындық жұмыстары жоғары дәрежеде өтті. 

АІІБ қызметкерлерімен кездесу ұйымдастырылып, кездесуге жергілікті полицияның учаскелік инспекторы,полиция капитаны А.Муканов қатысып, оқушыларға заң алдындағы міндеттерімен жауапкершілігі туралы түсінік берді. Кездесу барысында оқушылар өздерін мазалаған сұрақтарға жауап алды. 

Тәуелсіздіктің 30 жылдығына "Балдәурен" үйірмесінің жетекшісі О.Қапсаланов "Күй жарыс" ұйымдастырды. Үйірме қатысушылары өздерінің шеберліктерімен көзге түсті.   

2021-2022 оқу жылының қыркүйек айында "Тәуелсіздік жетістіктері" тақырыбы аясында сынып сағаттары өткізілді. Сынып сағаттарына мектебіміздің барлық оқушылары тартылды. Сынып сағаттарының мақсаты: Тәуелсіздік алғалы бері еліміз жеткен жетістіктерді оқушыларға айта отырып, елжанды, отансүйгіш, өз еліне қызмет ететін тұлғалар қалыптастыру болды.